ខេត្តបន្ទាយមានជ័យ ៖ ក្រោយពីលោក តុល សារិន ចូលកាន់តួនាទីមុខតំណែងជាមេឃុំអូរបីជាន់ ល្បីថា មានរឿងអាស្រូវច្រើនខ្លាំងណាស់ ហ៊ានផ្គើននិងចំណាររបស់សម្ដេចតេជោ ហ៊ុន សែន ចាបញ្ចប់វិវាទរវាងក្រុមហ៊ុន ASK និងឯកឧត្តម ញឹក ប៊ុនឆៃ ដោយហ៊ានចុះហត្ថលេខាផ្ទេរកម្មសិទ្ធិលក់ទិញដី ក្នុងក្រុមហ៊ុន ASK បង្កើតជម្លោះបង្កើតវិវាទដីធ្លីជាហូរហែ ដល់ប្រជាពលរដ្ឋ ដោយទាញប្រជាពលរដ្ឋ ឱ្យចាញ់បោកជនខិលខូច ចូលទៅក្នុងវិវាទដីធ្លីដោយមិនដឹងខ្លួន និងត្រូវមេភូមិ អនុភូមិ និងកងកម្លាំងឈរជើងនៅក្នុងឃុំអូរបីជាន់ទាំងមូល ដាក់ពាក្យស្នើសុំផ្លាស់ប្ដូរតួនាទីមុខតំណែងចេញពីមេឃុំក្រោយធ្វើមេឃុំមិនបានប៉ុន្មានខែផងនោះ ដោយហេតុថាមិនមែនជាមេឃុំជ្រើសតាំងដោយអាណត្តិ ពីការបោះឆ្នោត គឺជាមេឃុំលើកបន្តុប តាមខ្សែ និងតាមទឹកប្រាក់ ។

សព្វថ្ងៃនេះ មិនដឹងថា ប្រជាពលរដ្ឋប៉ុន្មានរយនាក់ទេដែលរងគ្រោះដោយមិនដឹងខ្លួន ដោយសារតែលោក តុល សារិន ចុះហត្ថលេខាផ្ទេរកម្មសិទ្ធិ បំពានលើលិខិតទប់ស្កាត់របស់ក្រុមហ៊ុន ASK តាមចំណាររបស់សម្ដេចតេជោ ហ៊ុន សែន បញ្ចប់វិវាទ និងបញ្ចប់ធ្វើជាតំណាង ជាមួយនិងឯកឧត្ដម ញឹក ប៊ុនឆៃ ។

មហាជនមានការងឿងឆ្ងល់ថា មូលហេតុអ្វី បានជាលោកតុល សារិន មេឃុំអូបីជាន់ ដែលមិនមែនជាមេឃុំជាប់ឆ្នោត អាចធ្វើមេឃុំបាន តើស្រុកខ្មែរប្រហែលមានតែម្នាក់ទេមើលទៅ ទាំងដែលមេភូមិ អនុភូមិ និងស្ថាប័នកងកម្លាំងនៅក្នុងឃុំអូរបីជាន់ទាំងមូល ប្ដឹងអន្តរាគមន៍ទៅសាលាខេត្ដបន្ទាយមាជ័យ ក៏គ្មានប្រសិទ្ធភាពដែរ ដែលសព្វថ្ងៃនេះ មានពលរដ្ឋរងគ្រោះចូលទៅក្នុងវិវាទដីធ្លីច្រើនណាស់ដោយមិនដឹងខ្លួន។

បើយោងទៅលើពាក្យស្នើសុំផ្លាស់ប្ដូរលោក តុល សារិន ខ្ញុំបាទយើងខ្ញុំទាំងអស់គ្នាជាមេភូមិ ព្រមទាំងកងកម្លាំងឈរជើង និងស្ថាប័នមួយចំនួន នៃឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។ សូមគោរពជូនអភិបាលនៃគណៈអភិបាលខេត្ដបន្ទាយមានជ័យ កម្មវត្ថុ ៖ ស្ដីពីការ ស្នើសុំផ្លាស់ប្ដូរលោក តុល សារិន ដែលជាមេឃុំ មិនមែនជាប់ដោយការបោះឆ្នោត ជ្រើសរើសក្រុមប្រឹក្សាឃុំសង្កាត់នៃឃុំអូរបីជាន់ ដោយដាក់លោក សួង មឿន ដែលជាមេឃុំជាប់ឆ្នោត ធ្វើជាមេឃវិញ ឬក៏ដាក់ក្រុមប្រឹក្សាឃុំផ្សេងទៀត ដែលមិនមែនជាលោក តុល សារិន ៕ ដោយ គេហទំព័រ ស្រទាប់យុវវ័យ( ប៉ែន នួន)